Solicitamos de forma enérxica que se solucionen os desaxustesentre as necesidades da escola a nivel laboral e as prazasque o Concello oferta. Desaxustes que poden provocar nesta ocasión a dimisión de profesorado que vénrealizando desde hai anos o seu traballo nesta escola cunnivel exquisito de implicación, dedicación e calidade.  

Por isto pedimos que se convoque para o vindeiro curso 2021-2022 unha praza de xornada completa de 12 meses de duración que permita reforzar as tarefas da dirección como vén sendo requerido e que proporcione unhas condiciónslaborais dignas e sostibles á persoa que a ocupe.

A ESMU de Foz é un exemplo de traballo ben feito, elevou a educación musical do concello, formou e segue a formar a  moitas nenas, nenos e persoas adultas que pasaron e pasan polas súas aulas. No presente é un referente entre as escolas de música da Mariña. Espero e esixo dos nosos gobernantes que esteñan á altura do traballo feito por estes traballadores e traballadoras e den boa mostra respondendo a tempo e coa debida eficacia ás súas demandas, que mediante a presente tomo e fago miñas como cidadá desta vila.