Еднаквоста е важна. По направената анкета, како проект на група студенти на ФИНКИ, заклучивме дека условите во образовните институции, конкретно за лицата со физичка попреченост, се скоро па и непостоечки. Многу образовни институции, библиотеки и читални немаат поставено пристапни рампи, тоалети за лица со физичка попреченост, немаат лифтови или ескалатори, немаат обележано паркинг за лица со попреченост. Секој има право на еднакви услови. Со оваа петиција, упатуваме барање до надлежните институции и власти, за овозможување на основните услови во образовните институции за лицата со физичка попреченост. #ОбразованиеЗаСите