Ano tras ano, vemos como o Centro de Saúde de Baltar-Portonovo (Sanxenxo) sofre sistematicamente colapsos asistenciais. Por si isto non fose xa preocupante, agora únese á esta desidia sanitaria do goberno da Xunta, a centralización da consulta de pediatría dos concellos de Sanxenxo, Meaño e Meis; e así mesmo, denegan a ambulancia medicalizada, propoñendo un soporte adicional doutra ambulancia de soporte vital básica só por unhas horas determinadas. Este ano prevese un auténtico inferno, tanto para pacientes como para o persoal do Centro de Saúde e PAC de Baltar.

Solicitamos reforzo de persoal deste Centro de Saúde, a solicitude da ambulancia medicalizada e a restauración das consultas de pediatría de Meaño e Meis.